Sewasew

 💎“ስለአንድ የዜን መምህር የሰማሁት ታሪክ ነው … መምህሩ ሰረገላ እየነዳ ነው፡፡ ሰረገላው ውስጥ አንዲት ሴትና ልጇ አሉ፡፡ በጣም ብርዳማ ጠዋት ነበር፡፡ በረዶ እየጣለ ነው፡፡ የፀሐይዋ ምልክትም የለም፡፡ አስከፊ ክረምት…

💡መምህሩም፣ ሴትዬዋም፣ ልጇም በብርዱ ተቆራምደዋል፡፡ መምህሩ፣ ሴትየዋ በብርዱ ሰማያዊ እየሆነች እና ራሷን ልትስት መሆኑን ተረድቷል፡፡ ተዳክማለች…፡፡ ይሄኔ የታቀፈችውን ልጅ ከእጇ መንጭቆ ወስዶ ከሰረገላው ላይ አስወረዳትና ሰረገላውን እየነዳ ሄደ…

💎ሴትዬዋ በድንጋጤ ክው አለች፡፡ ይሄ ሰውዬ ምን እያደረገ ነው ? በረዶው እንዲህ እየጣለ ልጇን ከእጇ መንጭቆ ወስዶ ሰረገላውን እየነዳ የሚሄድ ምን አይነት ጨካኝ ሰው ነው ? እየጮኸች፣ እየተሳደበች፣ እየተራገመች ሰረገላውን ተከትላ ሮጠች፡፡
አንድ ኪሎሜትር ያህል እየጮኸች ስትሮጥ በብርዱ የተሳሰረው ሰውነቷ ተፍታታ፣ በደንብ ሕይወት ዘራች፡፡

💦መምህሩ ሰረገላውን አቁሞላት እያስገባት እንዲህ አላት፣ “አሁን ሕይወት ዘርተሻል፡፡ አዎን፣ መሮጥ ነበረብሽ፡፡ ባትሮጪ ኖሮ ሰውነትሽ በብርዱ በድን ሆኖ ትሞቺ ነበር…”
…
🔑ታላቅ ደግነት፣ ሲያስፈልግ መጨከንንም የሚያውቅ ነው፡፡ ደግነትህ ደግ መሆን እንጂ አስፈላጊ ሲሆን መጨከንን ካላወቀ ደግነትህ ጥንካሬ ሳይሆን ደካማነት ነው - ውሽልሽልነት ነው፡፡

💎ሲያስፈልግ በተቃራኒው አቅጣጫም መሆን ካልቻልክ ግትር ነህ ማለት ነው፤ እንደ ሁኔታውና እንደአስፈላጊነቱ ተለዋዋጭ አይደለህም ማለት ነው፡፡

አዎን፣ አንዳንዴ … ሲያስፈልግ ጠንከር እና ጨከን ማለት ያሻል…

🔑አንዳንዴ የምር ደግ ለመሆን በሆነ ጉዳይ ላይ መጨከን ያስፈልገናል፡፡ መጨከን እና አንዳንዴም መጥፎ የሚያስመስሉህንም ነገሮች ማድረግ የማትችል ከሆነ ደግነትህ ዋጋ ቢስ ነው ማለት ነው፡፡ ከውስጥ የፈለቀ የምር ደግነት ሳይሆን እንዲሁ የተለማመድከው ሰው ሲያደርገው አይተህ የሆንከው ደግነት ነው ማለት ነው … ከንቃት የፈለቀ አይደለም ማለት ነው…”

Source: - Osho, Tao: The Pathless Path,