Sewasew

 💡እርግጠኝነት!!!

💎በህይወታችሁ ውስጥ የሆነ ቀን፣ የሆነ ጊዜ፣ የሆነ ቦታ  "... እርግጠኛ ነኝ!" የሚል ሰው አጋጥሟችሁ ያውቃል? አዎን! ብዙዎቻችን አጋጥሞናል።

"ከእውቀት ጋር ጥርጣሬ ይጨምራል" ይባላል።

With knowledge doubt increases.

🕰ነገር ግን የምታውቀው ትንሽ ሲሆንና የህይወት ልምድህ ካልዳበረ በሁሉ ነገር "እርግጠኛ ነኝ" ትላለህ። በተለይ አንተ የምታውቀው ትንሽ ሆኖም በሌሎች ካልታወቀማ አይፈረድብህም! የህይወት ልምድህ ትንሽ ነውና ልኩ መንገድ፣ ልኩ ነገር እሱ ብቻ ይመስልሃል።  ምን ይደረግ፣ ሌላ አላየህማ! አልበራልህማ!

💡1+1 = 10 የሚለውን ስህተት ነው ብለህ እርግጠኛ ሆነህ የምትደመድመው ስለ Binary Addition እስክትማር ነው። እውቀትና መረዳትህ ሲጨምር 1+1= 2 ወይም 1+1=10 ወይም 1+1 > 2 ወይም... ብለህ የምትቀበልባቸው ሁኔታዎች እንደሚኖሩ ይገባሃል። ካልሆነስ?

💎ካልሆነማ አንዱን የገባህን መንገድ ይዘህ ሙጭጭ ትላለህ። ያ ግን ልክ አይደለም። ሁሉንም መርምር፣ መልካሙን ግን ያዝ። ሳትፈትሽ ሙጭጭ አትበል።

Understanding opens the door of many possibilities.

💡እርግጠኝነት የእድገት፣ የመሻሻል፣ የአዲስ ነገር ጠላት ነው። "ነገ የሚሆነው ዛሬ ከሆነው አይለይም" ብሎ በእርግጠኝነት መናገርን የመሰለ የመሻሻል ጠላት የለም። ያላየኸውን የቅድመ-አያትህን ድምጽና እርምጃ እንዲህ ይመስል ነበር ብሎ በእርግጠኝነት መናገርን የመሰለ ውሸት የለም። የማላውቃቸውን የቅማያቶችን ብሔር በእርግጠኝነት መተንተንን የመሰለ በሽታ የለም።

💡ከሁሉ በላይ ግን የሰው ዘር አመጣጥ እንዲህ ነበር ብሎ በእርግጠኝነት መደምደምን የመሰለ ቅጥፈትና ቅዠት የለም!

💎ግዴለም! እርግጠኝነቱን እንተወው፣ ለጥርጣሬ ትንሽ ቦታ እንተው። ሁሉም ነገር ቋሚና የማይቀየር ሳይሆን ተለዋዋጭ እንደሆነ እንገምት።

❤️አሁን ያን ሁሉ የተደከመባት ሀገር እንዲህ ትሆናለች ብሎ ማን አሰበ? ያ ቤተሰብ እንዲህ እንደሚሆን ማን ገመተ? ይሄ ኢኮኖሚ እንዲህ እንደሚንፈራፈር ማን ጠረጠረ? ያ ዳይናስቲ እንዲህ እንደሚበተን ማን አሰበ? ግን ሁሉም ያልታሰበውና ያልተገመተው ሆነ።

አየህ የማይቀየረው እና ቋሚው ለውጥ ብቻ ነው።

ሌላውስ?
ሌላውማ እንደማይቀየር እርግጠኛ አይደለሁም።

"ማንም የቆመ ቢመስለው እንዳይወድቅ ይጠንቀቅ" ተብሏልና!

                      ✍️Getu k. Toughe